ಎಸ್‌ಐಆರ್ ಪ್ರಕ್ರಿಯೆ ವಿರೋಧಿಸಿ ವಿಜಯಪುರದಲ್ಲಿ ತಿರಂಗಾ ಯಾತ್ರೆ: ಮತದಾರರ ಹಕ್ಕುಗಳ ರಕ್ಷಣೆಗೆ ಆಗ್ರಹ

ವಿಜಯಪುರ ಆ 23 : ಎಸ್‌ಐಆರ್ (SIR) ಪ್ರಕ್ರಿಯೆಯನ್ನು ವಿರೋಧಿಸಿ, ಅರ್ಹ ಮತದಾರರ ಹಕ್ಕುಗಳ ರಕ್ಷಣೆ ಹಾಗೂ ಪ್ರಜಾಪ್ರಭುತ್ವದ ಮೌಲ್ಯಗಳ ಸಂರಕ್ಷಣೆಯ ಉದ್ದೇಶದಿಂದ ಇಂದು ವಿಜಯಪುರ ನಗರದಲ್ಲಿ ಎಸ್‌ಐಆರ್ ಹೋರಾಟ ಸಮಿತಿ ಹಾಗೂ ಮತ ಕಾವಲು ಸಮಿತಿಯ ವತಿಯಿಂದ ತಿರಂಗಾ ಯಾತ್ರೆಯನ್ನು ಹಮ್ಮಿಕೊಳ್ಳಲಾಯಿತು. ನಗರದ ಶ್ರೀ ಸಿದ್ಧೇಶ್ವರ ದೇವಸ್ಥಾನದಿಂದ ಆರಂಭಗೊಂಡ ತಿರಂಗಾ ಯಾತ್ರೆಯು ಗಾಂಧಿ ಚೌಕ್ ಮಾರ್ಗವಾಗಿ ಅಂಬೇಡ್ಕರ್ ವೃತ್ತದವರೆಗೆ ಸಾಗಿತು. ಅಂಬೇಡ್ಕರ್ ವೃತ್ತದಲ್ಲಿ ಯಾತ್ರೆಯನ್ನು ಸಮಾಪನಗೊಳಿಸಲಾಯಿತು. ಈ ತಿರಂಗಾ ಯಾತ್ರೆಯಲ್ಲಿ ವಿವಿಧ ಸಂಘಟನೆಗಳ ಮುಖಂಡರು, ಪದಾಧಿಕಾರಿಗಳು, ಕಾರ್ಯಕರ್ತರು ಹಾಗೂ ಸಾರ್ವಜನಿಕರು ಭಾಗವಹಿಸಿ ತಮ್ಮ ಬೆಂಬಲ ವ್ಯಕ್ತಪಡಿಸಿದರು. ಮತದಾರರ ಪಟ್ಟಿಗೆ ಸಂಬಂಧಿಸಿದ ಎಸ್‌ಐಆರ್ ಪ್ರಕ್ರಿಯೆಯಲ್ಲಿ ಅರ್ಹ ಮತದಾರರ ಹೆಸರುಗಳು ಅನ್ಯಾಯವಾಗಿ ಕೈಬಿಡಬಾರದು. ಪ್ರತಿಯೊಬ್ಬ ಅರ್ಹ ನಾಗರಿಕನಿಗೂ ತನ್ನ ಮತದಾನದ ಹಕ್ಕನ್ನು ಚಲಾಯಿಸುವ ಅವಕಾಶ ಖಚಿತವಾಗಬೇಕು ಎಂಬುದು ಈ ಹೋರಾಟದ ಪ್ರಮುಖ ಆಶಯವಾಗಿದೆ. ಮತದಾನದ ಹಕ್ಕು ಪ್ರಜಾಪ್ರಭುತ್ವದ ಪ್ರಮುಖ ಆಧಾರಸ್ತಂಭವಾಗಿದೆ. ಆದ್ದರಿಂದ ಮತದಾರರ ಪಟ್ಟಿಯ ಪರಿಷ್ಕರಣೆ ಪಾರದರ್ಶಕವಾಗಿ, ನ್ಯಾಯಸಮ್ಮತವಾಗಿ ಹಾಗೂ ಅರ್ಹ ಮತದಾರರ ಹಿತವನ್ನು ಕಾಪಾಡುವ ರೀತಿಯಲ್ಲಿ ನಡೆಯಬೇಕು ಎಂದು ತಿರಂಗಾ ಯಾತ್ರೆಯ ಮೂಲಕ ಆಗ್ರಹಿಸಲಾಯಿತು. ವಿವಿಧ ಸಂಘಟನೆಗಳ ಸಹಭಾಗಿತ್ವದಲ್ಲಿ ನಡೆದ ಈ ಯಾತ್ರೆಯು ಮತದಾರರ ಹಕ್ಕುಗಳ ರಕ್ಷಣೆ, ಪ್ರಜಾಪ್ರಭುತ್ವದ ಮೌಲ್ಯಗಳ ಸಂರಕ್ಷಣೆ ಹಾಗೂ ನಾಗರಿಕರಲ್ಲಿ ಮತದಾನದ ಹಕ್ಕಿನ ಕುರಿತು ಜಾಗೃತಿ ಮೂಡಿಸುವ ಸಂದೇಶವನ್ನು ಸಾರಿತು. ಈ ಸಂದರ್ಭದಲ್ಲಿ ಫಾದರ್ ಕೆವಿನ್, ಮೀನಾಕ್ಷಿ ಸಿಂಗೆ, ಮುತ್ತು ಭೋವಿ, ಸಿಸ್ಟರ್ ಪ್ರಿಯಾಂಕಾ, ಸಿಸ್ಟರ್ ಅಸಂತಾ ಪಾಟೀಲ್, ತೇಜಶವಿನಿ ಹಳ್ಳದಕೇರಿ, ಅಬ್ದುಲ್ ಖದೀರ್, ಚನ್ನು ಕಟ್ಟಿಮನಿ, ಶ್ರೀನಾಥ್ ಪೂಜಾರಿ, ಸಿದ್ದಲಿಂಗ ಬಾಗೇವಾಡಿ, ಸುರೇಶ್ ಬಿಜಾಪುರ, ಫಯಾಜ್ ಕಲಾದಗಿ, ಪ್ರಭುಗೌಡ ಪಾಟೀಲ್, ಭೋಗೇಶ ಸೋಲಾಪುರ, ಅಕ್ರಮ್ ಮಾಶಾಳ್ಕರ್, ಜಗದೇವ ಸೂರ್ಯವಂಶಿ, ದಸ್ತಗೀರ ಉಕ್ಕಲಿ, ಸಿದ್ದರೆಡ್ಡಿ, ವಿದ್ಯಾವತಿ ಅಂಕಲಗಿ, ಸೋಮು ರಣದೇವಿ, ನಿಲಾಂಬಿಕಾ ಬಿರಾದಾರ್, ಶಂಕರ್ ಚಲುವಾದಿ, ಲಕ್ಷ್ಮಣ್ ಹಂದ್ರಾಳ್, ಸುರೇಶ್ ಜೀಬಿ, ಸುರೇಖಾ ರಜಪೂತ್, ನರೇಂದ್ರ ನಂದಿಕೋಲ, ಬಸಯ್ಯ ಸ್ಥಾವರಮಠ, ಕಿರಣ್ ಮೇಲಿನಕೇರಿ, ಫರೀದ್, ನಿಹಾದ್ ಹುಂಡೇಕರ್, ಜಯಶ್ರೀ ಚಲುವಾದಿ, ಸುನಂದಾ ನಾಯಕ, ರೇಷ್ಮಾ ಕಟ್ಟಿಮಣಿ, ರೇಣುಕಾ ಕೊಟ್ಯಾಳ್, ಶೋಭಾ ವಾಲಿಕರ್, ಸುನಿತಾ ಮೋರೆ, ಗೀತಾ ಕಟ್ಟಿ, ಗೀತಾ ಪಾಟೀಲ್, ರವಿ ದೊಡ್ಡಮನಿ, ಮಾಲನ್ ಮುಜಾವರ್, ಚಂದ್ರವ್ವ ಮಾದರ್, ಮದಿನಾ ಹಂಜಿಗಿ, ಹಮೀದಾ ಪಟೇಲ್, ಭಾರತಿ ಶಿವಣಗಿ, ಕಸ್ತೂರಿಬಾಯಿ ಸಿಂಗೆ, ಸರೋಜಾ ಕಟ್ಟಿಮಣಿ, ದಸ್ತಗೀರ್ ಸಾಲೋಟಗಿ, ಸುಶೀಲಾಬಾಯಿ ರಾಥೋಡ್, ಸಿ.ಬಿ. ಪಾಟೀಲ್, ಶು. ಕಟ್ಟಿಮಣಿ, ಶಾಂತಾ ವಸ್ಮಣಿ, ರಾಜೇಶ್ವರಿ ನಾಟಿಕರ್, ಜಹಿದಾ ಸಿಂದಗಿ, ಮಂಜುಳಾ ಸುಬೇದಾರ್, ಮೊಹಮ್ಮದ್ ಮುಲ್ಲಾ, ಮಹಾನಂದ ಚವ್ಹಾಣ್, ಗೀತಾ ಕಸ್ತೂರಿ ಕಾಲನಿ, ಸುಗಳದೇವಿ, ಲಕ್ಷ್ಮೀಬಾಯಿ ಭೋಗಳೇ, ಜಯಶ್ರೀ ಆಹಿರಸಂಗ ಸೇರಿದಂತೆ ಹಲವು ಗಣ್ಯರು, ವಿವಿಧ ಸಂಘಟನೆಗಳ ಮುಖಂಡರು, ಮಹಿಳಾ ಮುಖಂಡರು, ಕಾರ್ಯಕರ್ತರು ಮತ್ತು ಸಾರ್ವಜನಿಕರು ಉಪಸ್ಥಿತರಿದ್ದರು. ಈ ವರದಿಯನ್ನು ಸರಿಪಡಿಸಿ ಸಾರಾಂಶ ಬರೆಯಿರಿ.